Psalm 29/Text/Lines

Text (Hebrew)	Verse	Text (CBC)
מִזְמ֗וֹר לְדָ֫וִ֥ד	1a	A psalm by David.
הָב֣וּ לַֽ֭יהוָה בְּנֵ֣י אֵלִ֑ים	1b	Ascribe [glory and strength] to YHWH, divine beings.
הָב֥וּ לַ֝יהוָ֗ה כָּב֥וֹד וָעֹֽז׃	1c	Ascribe glory and strength to YHWH.
הָב֣וּ לַֽ֭יהוָה כְּב֣וֹד שְׁמ֑וֹ	2a	Ascribe to YHWH the honour that his name deserves.
הִשְׁתַּחֲו֥וּ לַ֝יהוָ֗ה בְּהַדְרַת־קֹֽדֶשׁ׃	2b	Bow down to YHWH dressed in holy attire.
ק֥וֹל יְהוָ֗ה עַל־הַ֫מָּ֥יִם	3a	The sound of YHWH against the water!
אֵֽל־הַכָּב֥וֹד הִרְעִ֑ים	3b	The glorious God has thundered.
יְ֝הוָ֗ה עַל־מַ֥יִם רַבִּֽים׃	3c	YHWH [has thundered] against much water.
קוֹל־יְהוָ֥ה בַּכֹּ֑חַ	4a	The sound of YHWH [thundering] in power!
ק֥וֹל יְ֝הוָ֗ה בֶּהָדָֽר׃	4b	The sound of YHWH [thundering] in majesty!
ק֣וֹל יְ֭הוָה שֹׁבֵ֣ר אֲרָזִ֑ים	5a	The sound of YHWH breaking cedars!
וַיְשַׁבֵּ֥ר יְ֝הוָ֗ה אֶת־אַרְזֵ֥י הַלְּבָנֽוֹן׃	5b	And YHWH is breaking the cedars of Lebanon.
וַיַּרְקִידֵ֥ם כְּמוֹ־עֵ֑גֶל לְבָנ֥וֹן	6a	And he is causing Lebanon to skip like a calf,
וְ֝שִׂרְיֹ֗ן כְּמ֣וֹ בֶן־רְאֵמִֽים׃	6b	and Sirion like a wild ox.
קוֹל־יְהוָ֥ה חֹצֵ֗ב לַהֲב֥וֹת אֵֽשׁ׃	7a	The sound of YHWH hewing with lightning bolts!
ק֣וֹל יְ֭הוָה יָחִ֣יל מִדְבָּ֑ר	8a	YHWH's voice causes the wilderness to tremble.
יָחִ֥יל יְ֝הוָ֗ה מִדְבַּ֥ר קָדֵֽשׁ׃	8b	YHWH causes the wilderness of Kadesh to tremble.
ק֤וֹל יְהוָ֨ה ׀ יְחוֹלֵ֣ל אַיָּלוֹת֮	9a	YHWH's voice causes fallow deer to give birth,
וַֽיֶּחֱשֹׂ֪ף יְעָ֫ר֥וֹת	9b	and it strips forests,
וּבְהֵיכָל֑וֹ כֻּ֝לּ֗וֹ אֹמֵ֥ר כָּבֽוֹד׃	9c	and in his temple everyone is saying, "Glory!"
יְ֭הוָה לַמַּבּ֣וּל יָשָׁ֑ב	10a	YHWH sat enthroned over the Flood.
וַיֵּ֥שֶׁב יְ֝הוָ֗ה מֶ֣לֶךְ לְעוֹלָֽם׃	10b	And YHWH sat enthroned as king forever.
יְֽהוָ֗ה עֹ֭ז לְעַמּ֣וֹ יִתֵּ֑ן	11a	YHWH gives strength to his people.
יְהוָ֓ה ׀ יְבָרֵ֖ךְ אֶת־עַמּ֣וֹ בַשָּׁלֽוֹם׃	11b	YHWH blesses his people with peace.