Psalm 132/Text/Lines
From Psalms: Layer by Layer
| Text (Hebrew) | Verse | Text (CBC) |
|---|---|---|
| שִׁ֗יר הַֽמַּ֫עֲל֥וֹת | 1a | The Song of Ascents. |
| זְכוֹר־יְהוָ֥ה לְדָוִ֑ד | 1b | Remember, YHWH, for David’s sake, |
| אֵ֝ת כָּל־עֻנּוֹתֽוֹ׃ | 1c | everything that he endured, |
| אֲשֶׁ֣ר נִ֭שְׁבַּע לַיהוָ֑ה | 2a | he who swore to YHWH |
| נָ֝דַ֗ר לַאֲבִ֥יר יַעֲקֹֽב׃ | 2b | (who) vowed to the Mighty One of Jacob: |
| אִם־אָ֭בֹא בְּאֹ֣הֶל בֵּיתִ֑י | 3a | "I will not go into the dwelling place which is my house, |
| אִם־אֶ֝עֱלֶ֗ה עַל־עֶ֥רֶשׂ יְצוּעָֽי׃ | 3b | or go up onto the bed which is my couch, |
| אִם־אֶתֵּ֣ן שְׁנַ֣ת לְעֵינָ֑י | 4a | or give sleep to my eyes |
| לְֽעַפְעַפַּ֥י תְּנוּמָֽה׃ | 4b | or slumber to my eyelids, |
| עַד־אֶמְצָ֣א מָ֭קוֹם לַיהוָ֑ה | 5a | before I find a place for YHWH, |
| מִ֝שְׁכָּנ֗וֹת לַאֲבִ֥יר יַעֲקֹֽב׃ | 5b | a dwelling place for the Mighty One of Jacob." |
| הִנֵּֽה־שְׁמַֽעֲנ֥וּהָ בְאֶפְרָ֑תָה | 6a | Look! We heard about it in Ephrathah; |
| מְ֝צָאנ֗וּהָ בִּשְׂדֵי־יָֽעַר׃ | 6b | we found it in the fields of Jaar: |
| נָב֥וֹאָה לְמִשְׁכְּנוֹתָ֑יו | 7a | "Let us go to his dwelling place, |
| נִ֝שְׁתַּחֲוֶ֗ה לַהֲדֹ֥ם רַגְלָֽיו׃ | 7b | let us bow down toward his footstool! |
| קוּמָ֣ה יְ֭הוָה לִמְנוּחָתֶ֑ךָ | 8a | Set out, YHWH, to your resting place, |
| אַ֝תָּ֗ה וַאֲר֥וֹן עֻזֶּֽךָ׃ | 8b | you and your strong ark! |
| כֹּהֲנֶ֥יךָ יִלְבְּשׁוּ־צֶ֑דֶק | 9a | May your priests be clothed with righteousness, |
| וַחֲסִידֶ֥יךָ יְרַנֵּֽנוּ׃ | 9b | and may your faithful ones sing for joy!" |
| בַּ֭עֲבוּר דָּוִ֣ד עַבְדֶּ֑ךָ | 10a | For the sake of David, your servant, |
| אַל־תָּ֝שֵׁ֗ב פְּנֵ֣י מְשִׁיחֶֽךָ׃ | 10b | do not refuse your anointed one. |
| נִשְׁבַּֽע־יְהוָ֨ה ׀ לְדָוִ֡ד אֱמֶת֮ | 11a | YHWH swore to David (in) sincerity; |
| לֹֽא־יָשׁ֪וּב מִ֫מֶּ֥נָּה | 11b | he will not turn back from it: |
| מִפְּרִ֥י בִטְנְךָ֑ | 11c | "(Someone) from your offspring, |
| אָ֝שִׁ֗ית לְכִסֵּא־לָֽךְ׃ | 11d | I will place on your throne. |
| אִֽם־יִשְׁמְר֬וּ בָנֶ֨יךָ ׀ בְּרִיתִי֮ | 12a | If your descendants keep my covenant |
| וְעֵדֹתִ֥י ז֗וֹ אֲלַ֫מְּדֵ֥ם | 12b | and my laws that I will teach them, |
| גַּם־בְּנֵיהֶ֥ם עֲדֵי־ע֑ד | 12c | then their descendants will also forever |
| יֵ֝שְׁב֗וּ לְכִסֵּא־לָֽךְ׃ | 12d | sit on your throne." |
| כִּֽי־בָחַ֣ר יְהוָ֣ה בְּצִיּ֑וֹן | 13a | For YHWH had chosen Zion; |
| אִ֝וָּ֗הּ לְמוֹשָׁ֥ב לֽוֹ׃ | 13b | he had desired her as his dwelling place: |
| זֹאת־מְנוּחָתִ֥י עֲדֵי־ע֑ד | 14a | "This is my resting place forever; |
| פֹּֽה־אֵ֝שֵׁ֗ב כִּ֣י אִוִּתִֽיהָ׃ | 14b | here I will dwell, because I have desired her. |
| צֵ֭ידָהּ בָּרֵ֣ךְ אֲבָרֵ֑ךְ | 15a | I will richly bless her provisions; |
| אֶ֝בְיוֹנֶ֗יהָ אַשְׂבִּ֥יעַֽ לָֽחֶם׃ | 15b | her poor (people) I will satisfy with food. |
| וְֽ֭כֹהֲנֶיהָ אַלְבִּ֣ישׁ יֶ֑שַׁע | 16a | And her priests I will clothe with salvation, |
| וַ֝חֲסִידֶ֗יהָ רַנֵּ֥ן יְרַנֵּֽנוּ׃ | 16b | and her faithful ones will sing exuberantly for joy. |
| שָׁ֤ם אַצְמִ֣יחַ קֶ֣רֶן לְדָוִ֑ד | 17a | There I will cause a horn to grow for David; |
| עָרַ֥כְתִּי נֵ֝֗ר לִמְשִׁיחִֽי׃ | 17b | I have put in place a lamp for my anointed one. |
| א֭וֹיְבָיו אַלְבִּ֣ישׁ בֹּ֑שֶׁת | 18a | His enemies I will clothe with shame, |
| וְ֝עָלָ֗יו יָצִ֥יץ נִזְרֽוֹ׃ | 18b | but his crown will flourish on him." |